ԼԻԱԶՈՐԱԳԻՐ

Ուղևորը «ՓԱՍԵՆՋԵՐ.ԷՅԵՄ» ՍՊԸ-ի (Passenger.am ՍՊԸ-ի) ընդհանուր դրույթներին և պայմաններին, Եվրամիության 261/2004 կանոնակարգին, 1999թ. Մոնրեալի կոնվենցիային, ինչպես նաև միջազգային այլ իրավական ակտերին ու ՀՀ օրենսդրությանը համապատասխան, սույնով լիազորում է «ՓԱՍԵՆՋԵՐ.ԷՅԵՄ» ՍՊԸ-ին հանդես գալու իր անունից և ներկայացնելու հայտը /այն իր մեջ կարող է ներառել դիմում, բողոք, հայցադիմում կամ այլ գործողություն/ վերը նշված իրավական ակտերի շրջանակներում հետաձգված/չեղարկված թռիչք(ներ)ի, տրանսպորտային փոխադրման և վճարված տոմսերի հետ կապված բոլոր հարցերի, Ուղևորի կամքին հակառակ օդանավ նստեցնելու մերժման դեպքում, ինչպես նաև ուղևորափոխադրումների ոլորոտում միջազգային իրավական ակտերի շրջանակներում կարգավորվող այլ դեպքերում ավիափոխադրողից կամ դրան հավասարեցված անձից /պետական և ոչ պետական մարմիններ, ապահովագրական ընկերություն, բանկ, ծառայություն մատուցող կազմակերպություն և այլն/ փոխհատուցում, վնասի վերականգնում (այդ թվում՝ չեղարկված թռիչքի տոմսի արժեքի համար, ուղեբեռի հետ կապված հարցերով, ինչպես նաև միջազգային տրանսպորտային իրավունքի ոլորտում առաջացող այլ հարցերով), հարցումներ, այլ տեղեկություններ պահանջելու և ստանալու նպատակով:

Ուղևորը Passenger.am ՍՊԸ-ին լիազորում է նաև ավիափոխադրողից կամ դրան հավասարեցված պատասխանողից և/կամ համապատասխանողից պահանջելու չտարածել իր անձնական տվյալները` անձնական տվյալների պաշտպանության մասին Եվրամիության, պատասխանողի գրանցման երկրի, Հայաստանի Հանրապետության օրենքներին և միջազգային իրավական ակտերին համապատասխան` բացառությամբ հայտի իսկությունը ստուգելու համար:

Սույնով Ուղևորը Passenger.am ՍՊԸ-ին տալիս է բացառիկ և լրիվ լիազորություն իր անունից ամբողջությամբ.

 

• Իր գործի շրջանակներում լիովին ներկայացնել Ուղևորին ավիափոխադրողի կամ դրան հավասարեցված պատասխանողի, համապատասխանողի, գործին առնչվող երրորդ անձանց հետ հարաբերություններում,
• ստանալ պահանջվող ցանկացած տեսակի տեղեկատվություն, ինչպես նաև ցանկացած ընթացակարգի վերաբերյալ իրականացնել տեղեկատվական հարցումներ, նախաձեռնել եւ բողոքներ ներկայացնել համապատասխան մարմիններ և դատարաններ,
• նախաձեռնել, վարել եւ իրականացնել բոլոր տեսակի բանակցություններ, այդ թվում՝ դատական եւ արտադատական.հարաբերություններում,
• պահանջել ավիափոխադրողից կամ դրան հավասարեցված պատասխանողից կամ այլ անձից չկիրառել, չմշակել, չօգտագործել ուղևորի անձնական տվյալները կամ դրան հավասարեցված տեղեկությունները անձնական տվյալների պաշտպանության մասին օրենքների և իրավական այլ ակտերի համաձայն, բացառությամբ հայտի իսկությունը ստուգելու դեպքում
• Ուղևորի անունից պահանջել և ստանալ փոխհատուցումներ կամ գործի շրջանակներում այլ վճարումներ և տեղեկություններ։

Ուղևորը տեղեկացված է կեղծ տեղեկություններ տրամադրելու դեպքում գտնվելու երկրի և ՀՀ օրենսդրությամբ սահմանված կարգով պատասխանատվություն կրելու մասին։

Կարդացի, հասկացա և ընդունեցի բոլոր պայմանները, որի համար ստորագրում եմ։

ԾԱՌԱՅՈՒԹՅՈՒՆՆԵՐԻ ՄԱՏՈՒՑՄԱՆ ԱՌՑԱՆՑ (ՕՆԼԱՅՆ/ԷԼԵԿՏՐՈՆԱՅԻՆ) ՊԱՅՄԱՆԱԳԻՐ

Մի կողմից Ուղևորը, մյուս կողմից «ՓԱՍԵՆՋԵՐ.ԷՅԵՄ» ՍՊԸ-ն (Passenger.am ՍՊԸ-ն), ի դեմս տնօրենի, այսուհետ՝ Կողմեր, կնքեցին պայմանագիր հետևյալի մասին․

1. Սույնով Ուղևորը Passenger.am ՍՊԸ-ին տալիս է բացառիկ և լրիվ լիազորություն իր անունից ամբողջությամբ վարելու իր հայտը՝ լիազորագրին համապատասխան.

2. Ուղևորն ընդունում և սույնով հաստատում է, որ ՓԱՍԵՆՋԵՐ․ԷՅԷՄ ՍՊԸ-ն իրավունք ունի իր գործի շրջանակներում ավիափոխադրողից պահանջել իր գործի առնչությամբ ցանկացած հնարավոր փոխհատուցում, որի նկատմամբ կիրառվում են նույն պայմանները։

3. Ուղևորն ընդունում և սույնով հաստատում է նաև, որ ՓԱՍԵՆՋԵՐ․ԷՅԷՄ ՍՊԸ-ին դիմելու պահից սկսած, գործը համարվում է հանձնված ՓԱՍԵՆՋԵՐ․ԷՅԷՄ ՍՊԸ-ին և այդ օրվանից սկսած ավիափոխադրողի կողմից ստացված ցանկացած փոխհատուցման դեպքում ՓԱՍԵՆՋԵՐ․ԷՅԷՄ ՍՊԸ-ն պահում է հասանելիք առնվազն 25 (քսանհինգ) տոկոս միջնորդավճարը, եթե չեն կատարվել անհրաժեշտ այլ փաստացի լրացուցիչ ծախսեր /օրինակ՝ հեռախոսային, ֆաքսի, փոստային ծախսեր և այլն/։

4. Ուղևորն ընդունում և պարտավորվում է, որ նա ՓԱՍԵՆՋԵՐ․ԷՅԷՄ ՍՊԸ-ին դիմելու պահից սկսած չի կարող ընդունել իր ներկայացրած հայտի շրջանակներում որեւէ վճարում կամ այլ առավելություն (ուղղակի և կամ անուղղակի կերպով) ավիափոխադրողից կամ դրան հավասարեցված և/կամ գործին առնչվող այլ անձից և/կամ գործի ելքով շահագրգիռ այլ անձից: Այնուամենայնիվ, գործը հանձնելուց հետո ուղիղ իր հաշվին փոխանցմամբ կամ այլ ձևով փոխհատուցում ստանալու դեպքում, Ուղևորը պարտավորվում է ներկայացնել այդպիսի փոխհատուցման բոլոր ապացույցները թափանցիկության և երկկողմ պայմանագրի պայմանները երկուստեք կատարելու նպատակով։

5. Ուղևորի կողմից ՓԱՍԵՆՋԵՐ․ԷՅԷՄ ՍՊԸ-ին դիմելու պահից/ստորագրումից/ սկսած իր համաձայնությամբ և/կամ իմացությամբ, PASSENGER.AM ՍՊԸ-ի միջոցով իր ներկայացրած հայտի կապակցությամբ և դրա շրջանակներում ավիափոխադրողից կամ դրան հավասարեցված և/կամ գործին առնչվող այլ անձից ցանկացած փոխհատուցում, վճարում կամ այլ առավելություն կամ դրանցից որևէ մեկի վերաբերյալ տրված խոստումի ընդունման դեպքում, Ուղևորը պարտավորվում է 15 (տասնհինգ) օրվա ընթացքում PASSENGER.AM ՍՊԸ-ին առնվազն փոխհատուցել այն նվազագույն գումարը, որը PASSENGER.AM ՍՊԸ-ն կարող էր ունենալ որպես միջնորդավճար իր ընդհանուր պայմաններին և դրույթներին համապատասխան գործը շահելու դեպքում:

6. PASSENGER.AM ՍՊԸ-ն միջնորդավճարը գանձում է միայն մասնակի կամ ամբողջությամբ գործը շահելու դեպքում, եթե Կողմերի միջև այլ պայմանավորվածություն չկա։

7. Ուղևորն ընդունում է, որ նա չի կարող ընդունել իր հայտի կամ փոխկապակցված հայտերի շրջանակներում առանց PASSENGER.AM ՍՊԸ-ի, որեւէ նյութական փոխհատուցում, վճարում կամ այլ առավելություն ավիափոխադրողից կամ դրան հավասարեցված անձից և/կամ գործի ելքով շահագրգիռ այլ անձից: Լիազորագրի կասեցումը և դադարեցումը Ուղևորի նախաձեռնությամբ, մինչև փոխհատուցում ստանալը կամ այլ ձևով փոխհատուցման խոստում կամ հավաստիացում ստանալը, չի ազատում գործի շրջանակներում հետագայում Կողմերի ստանձնած պարտավորությունների կատարումից։

8. Կողմերից յուրաքանչյուրը (Ուղևորը և ՓԱՍԵՆՋԵՐ․ԷՅԷՄ ՍՊԸ-ն) տեղեկացված է կեղծ տեղեկություններ տրամադրելու, սույն պայմանագրի և լիազորագրի դրույթները խախտելու դեպքում ՀՀ օրենսդրությամբ սահմանված կարգով պատասխանատվություն կրելու մասին:

9. Կարդացի, հասկացա և ընդունեցի բոլոր պայմանները, որի համար ստորագրում եմ։