Չեղարկված թռիչքի փոխհատուցում ստանալու հիմնական պայմանները

Թռիչքի համար փոխհատուցում ստանալու կարևոր պայմաններն են՝

• պահպանել թռիչքի հետ կապված բոլոր փաստաթղթերը և վճարման կտրոնները, ինչպես նաև հյուրանոցային և այլ փաստաթղթեր, որտեղ առկա է Ուղևորի ամրագրման հաստատման համարը
• ճշգրիտ մեկնանաբանություններ, ինչպիսին է ինքնաթիռի իրական ժամանման ժամանակը
• լուսանկարներ, ինչպիսիք են օդանավակայանի էկրանները, որտեղ ուշացումը ֆիքսված է
• թռիչքի հետաձգման հետևանքով ծախսերի պահպանված կտրոնները: Դրանք կարող են համարվել ապացուցողական ուժ ունեցող փաստաթղթեր:

Ի՞նչ գործոններից է կախված փոխհատուցման գումարը

Չեղարկված ավիաթռիչքի փոխհատուցման գումարը կախված է հետևյալ գործոններից.

1. Թռիչքի հեռավորությունից
2. Թռիչքի հետաձգման ժամանակահատվածից
3. Ավիաթռիչքի չեղարկման պատճառից
4. Թռիչքի չեղարկման մասին գրավոր կամ այլ կրիչի միջոցով զգուշացումից և դրա ժամկետներից:

Չեղարկված ավիաթռիչքի փոխհատուցումը կատարվում է համաձայն Եվրամիության 261/2004 կանոնակարգի, միջազգային պայմանագրերի և Հայաստանի Հանրապետության օրենսդրությամբ սահմանված համապատասխան կետերի:

Ավիաընկերության պարտականությունները թռիչքի չեղարկման պարագայում

Ավիաընկերությունը, որի պատճառով չեղարկվել է ավիաթռիչքը, համաձայն Եվրամիության 261/2004 կանոնակարգի պարտավորվում է ՝

• սահմանված կարգի համաձայն կազմակերպել Ուղևորի թռիչքը նույն կամ այլ ավիաընկերության օդանավով, տրամադրել սնունդ, ըմպելիքներ, 2 հեռախոսազանգ, 2 ֆաքս հաղորդագրություն, 2 էլեկտրոնային նամակ ուղարկելու հնարավորություն, կախված չեղարկման ժամկետից՝ անվճար հյուրանոցային սենյակ,
• Ուղևորի ցանկությամբ՝ ավիատոմսի նախնական գնված արժեքի ամբողջական փոխհատուցում՝ 7 օրվա ընթացքում, եթե չեղարկումն իրականացվել է թռիչքից 14 օր առաջ:
• Ուղևորը կարող է ստանալ իրեն հասանելիք փոխհատուցումը, եթե այդ մասին տեղեկացվել է չեղարկված ավիաթռիչքի ամսաթվից 14 օր պակաս ժամկետում:

Ինչպե՞ս ստանալ փոխհատուցում թռիչքի չեղարկման համար

Թռիչքի չեղարկման պարագայում ուղևորները հետագայում փոխհատուցում կարող են ստանան համաձայն Եվրամիության 261/2004 կանոնակարգի, միջազգային պայմանագրերի և Հայաստանի Հանրապետության օրենսդրության համապատասխան դրույթների:

Թռիչքի չեղարկման պարագայում ուղևորները առցանց հայտը լրացնում են գրեթե նույնությամբ, ինչպես հետաձգման դեպքում: Որպես կանոն՝ որոշ ավիաընկերություններ Ուղևորի կողմից ուղիղ ստացված հայտերը մերժում են՝ «ավտոմատ» կերպով պատճառաբանելով արտակարգ իրավիճակների հանգամանքը, որը շատ դեպքերում ուղևորներին շրջանցելու և խաբելու դյուրին միջոց է...,քանի որ «արտակարգ իրավիճակներ» հասկացությունը և դրա կիրառելիությունը որպես կանոն ազատում է ավիաընկերությանը պատասխանատվությունից, սակայն նշված հասկացության մեկնաբանությունը տրվում և սահմանվում է մի շարք կարևոր չափանիշներից և դատական նախադեպերից ելնելով:

Ուղևորը Passenger.am կայքի միջոցով պետք է տվյալ ավիաընկերությանը ներկայացնի՝

1. Առցանց դիմում-հայտ իրավախախտ ավիաընկերությանը՝ նշելով պատճառը (թռիչքի չեղարկում, արտակարգ վայրէջք, վթար)
2. Ավիատոմսի և վավեր անձնագրի 2- 5 էջերի պատճենները PDF ֆորմատով
3. Նստեցման կտրոնը:
4. Ստորագրել առ այն,որ բոլոր տրված տեղեկությունները համապատասխանում են իրականությանը և, որ ստորագրող Ուղևորը տեղեկացված է կեղծ կամ ակնհայտ կեղծ տեղեկություններ հաղորդելու մասին օրենսդրությամբ նախատեսված պատասխանատվության մասին:

Եթե Ուղևորը ցանկանում է ստանալ պատճառված վնասների փոխհատուցում, ապա պետք է ներկայացնի՝

• Օնլայն-դիմում ՝ չվերթի չեղարկման հետևանքով կրած վնասների մասին
• Կտրոնների (կամ նմանատիպ փաստաթղթերի) պատճենները:

Փոխհատուցումը իրավախախտ ավիաընկերության կամ դրան հավասարեցված անձի կողմից ուղևորին տրվում է կախված թռիչքի հեռավորությունից՝

• 250 եվրո՝ մինչև 1500 կմ. թռիչքների դեպքում
• 400 եվրո՝ 1500-3500 կմ. թռիչքների դեպքում
• 600 եվրո՝ 3500 կմ-ից ավել թռիչքների դեպքում

Passenger.am-ը հանդիսանում է իրավական թիմով մասնագիտացված միջնորդ կազմակերպություն Ուղևորի և ենթադրյալ օրինախախտ ավիաընկերության միջև: